कीर्तिपुर नगरपालिकाको वडा नं. ६ जलविनायक मन्दिर जाने मार्गमा अवस्थित धार्मिक, सांस्कृतिक तथा पर्यटकीय महत्वको वडा हो। यस वडामा प्रसिद्ध जलविनायक मन्दिर, चोभार आदिनाथ मन्दिर, जाल्पादेवी मन्दिर, मञ्जुश्री पार्क तथा टौदह प्रमुख धार्मिक तथा पर्यटकीय आकर्षणका रूपमा रहेका छन्। धार्मिक पर्यटन, प्राकृतिक सम्पदा तथा मनोरञ्जन क्षेत्रको विकासका लागि यस वडामा उच्च सम्भावना रहेको छ भने बढ्दो पर्यटक आगमनसँगै पूर्वाधार व्यवस्थापन तथा सम्पदा संरक्षण प्रमुख चुनौतीका रूपमा रहेका छन्।